Олон улсын эмэгтэйчүүдийн эрхийг хамгаалах өдрийг угтан Хэнтий аймгийн “Итгэлийн аян” сүмийн хамт олон эмэгтэй гишүүддээ зориулсан баярын үйл ажиллагаа зохион байгуулжээ.
“Олон Улсын Эмэгтэйчүүдийн Залбирлын” нэгдсэн шаббат хөтөлбөрт Хэнтий аймгаас есөн хүний бүрэлдэхүүнтэй баг оролцсон байна. Багийн бүрэлдэхүүнд ахлагч Э.Сувданчимэг, ахмад гишүүн Н.Оюунцэцэг, сүмийн гишүүн Б.Батчимэг, шинэ гишүүд У.Тэргэл, Г.Намуунцэцэг, С.Алтантуяа, мөн бяцхан гишүүд У.Гэгээлэн, Б.Есүй, Э.Ануужин нар багтжээ.
Хөтөлбөрийн үеэр оролцогчид “Өөртөө итгэлтэй эмэгтэй гоо үзэсгэлэнтэй” сэдэвт сургалтад хамрагдаж, урам зориг, эрч хүчээр дүүрэн, Бурхандаа талархал өргөн магтан дуулсан байна.
Мөн тус сүмд 2021–2024 онд ахлагчаар ажилласан Д.Дэмбэрэлмаа, 2024–2025 онд ахлагчаар ажилласан Ц.Ариунаа нарыг хүндэтгэн “Эргэх холбоо” сэдэвт уулзалт зохион байгуулжээ. Уулзалтын үеэр тэдний сүмийн төлөө зориулсан үнэтэй цаг хугацаа, үйлчлэлд талархал илэрхийлж, дурсамж, сэтгэлийн үгээ хуваалцсан байна.
Энэхүү үйл ажиллагаа нь баяр хөөр, талархал, магтаал дүүрэн уур амьсгалд өрнөж, сүмийн хамт олны эв нэгдлийг улам бэхжүүлсэн үйл явдал боллоо.
Мөн Хэнтий аймгийн сүмийн гишүүдийг халуун дотноор хүлээн авч, ая тухтай байлгасан “Мараната” сүмийн хамт олонд талархал илэрхийлье.
Бурханы ивээл, хайр энэрэл Хэнтий нутгийн сүмийн хамт олонд үеийн үед оршиж, тэдний үйл хэрэг улам бүр дэлгэрэн тэлэх болтугай.
