ДЭЭР ӨНДӨРТ АЛДАР НЬ БУРХАНД, ДООР ГАЗАРТ АМАР ТАЙВАН НЬ ТҮҮНИЙ ТААЛЛЫГ ОЛСОН ХҮМҮҮСТ БАЙХ БОЛТУГАЙ !

Намрын налгар сайхан өдрүүдэд алс холоос Вьетнам Адвентист Чуулганы үйлчлэлийн нарийн бичиг, Пастор Ким Жун Тэ хүрэлцэн ирж ахлагч удирдагч, сүмүүдийн гишүүдэд зориулсан сургалтыг 9-р сарын 18, 19, 20-ний Улаанбаатар төв сүмийн байранд зохион байгууллаа.

Тэрээр үйлчлэлийн утга учрын талаар, хэрхэн сүнслэг байдлаа сэргээх талаар сонирхолтой сургалтыг өглөө.

“Христ Монголын төлөө” уриан дор 9-р сарын 27-ноос 10-р сарын 4-ний хооронд болох баярт мэдээнд зориулан Дэлхийн Адвентист Радио үүсгэн байгуулагдсаны 70 жилийн ойн хүрээнд Ариун библийн энэхүү тусгай хэвлэлийг эрхлэн гаргалаа.

Та эрүүл амьдралыг эрхэмлэдэг бол, баяр хөөрөөр дүүрэн яваа бол, өөрийн амжилтаа бусадтай хуваалцан бусдад туслахыг хүсвэл 9-р сарын 27-ноос 10-р сарын 4-ний өдрүүдэд зохион байгуулагдах баярт мэдээнд хүрэлцэн ирээрэй. Та баярын мэдээний үйл ажиллагаанд оролцож эдгэрэл, ивээл, баяр хөөрийг мэдрээрэй.

( 1Петр 1:8-9 ) Та нар түүнийг хараагүй ч Түүнийг хайрладаг. Эдүгээ та нар Түүнийг харахгүй байгаа ч Түүнд итгэдэг. Та нар хэлэхийн аргагүй алдраар дүүрэн баяр хөөрөөр ихэд баярладаг. Ингэхдээ та нар итгэлийнхээ үр дүнд сэтгэлийн авралыг олж авна.

“Бүх үндэстэнд Христийг тунхаглацгаая”

“Христ Монголын төлөө”